Эрик тен Хаг ҳеч бўлмаганда Англия кубоги финалига қадар "Манчестер Юнайтед"да қолади.
Нидерландиялик 54 ёшли мураббий АПЛнинг 36-турида “Кристал Пэлас”га 0:4 ҳисобида имкониятни бой бериб, танқидларга учради.
Daily Mail хабарига кўра, клуб 25 май куни "Уэмбли"да "Манчестер Сити"га қарши бўлиб ўтадиган Англия кубоги финалига қадар Тен Хагни истеъфога чиқаришни режалаштирмаяпти.
Бу ўйин "Манчестер Юнайтед" учун мавсумнинг сўнгиси бўлади ва унгача жамоанинг Премьер-лигада ҳали учта учрашуви бор - "Арсенал" ва "Ньюкасл" билан ўз уйида ва "Брайтон" билан меҳмонда.
"МЮ" АПЛ турнир жадвалида 8-ўринни эгаллаб турибди. Кубок финали бу мавсумда соврин учун сўнгги имкониятдир. Тен Хагнинг келажаги бўйича қарор шу ўйиндан сўнг қабул қилинади.
Шу билан бирга, Манчестер клубининг бир қатор футболчилари омадсиз мавсумдан кейин мураббийнинг тақдири аллақачон ҳал бўлганига ишонишмоқда.
