"Реал"нинг ўнг қанот ҳимоячиси Дани Карвахаль "Лос-Бланкос" бош мураббийи Карло Анчелоттининг "Бавария" билан Чемпионлар лигаси ярим финал жавоб ўйини арафасида "бироз қўрқув"ни бошдан кечираётганини айтган сўзларига изоҳ берди.
Учрашув эртага, 8-май куни бўлиб ўтади.
"Жаноб борган сари қўрқиб боряпти! Ҳечқиси йўқ, бу нормал ҳолат, чунки бизни финалдан битта ўйин ажратиб туради ва биз кучли рақибга дуч келамиз.
Бугун кечқурун жамоадошларим билан кечки овқатдан кейин бошқа ярим финални томоша қилишни интиқлик билан кутяпман.
Мен гўзал дақиқалар учун яшайман. Мен қўрқув ҳақида ўйламайман, фақат футбол ўйинига эътибор қаратаман", - дея Карвахалнинг сўзларини келтиради AS.
