Кабо-Верде миллий терма жамоаси ҳимоячиси "Атлетико Мадрид" эътиборини тортди.
L'Equipe хабарига кўра, Мадрид клуби бош мураббийи Диего Симеоне ўз жамоасида "Тулуза"дан Логан Костани кўришни истайди. 23 ёшли футболчини кузатиш мақсадида Франция клуби ўйинига “Вильярреал” вакиллари ҳам ташриф буюришди.
Ҳимоячига Англия жамоалари ҳам қизиқиш билдирмоқда. "Ноттингем Форест" ва "Фулхэм" аллақачон сўровларни амалга оширган ва бошқа бир Европа клуби ҳам трансферни амалга оширишга тайёр. Германия ва Италия жамоалари билан ҳам алоқалар мавжуд.
Логан Костанинг трансфери 20 миллион евродан кўпроқ даромад олишни кутаётган "Тулуза" учун рекорд бўлиши мумкин. 2018 йилда Исса Диоп "Вест Хэм"га бонуслар билан бирга 25 миллионга сотилган.
