Лондоннинг “Тоттенхэм” клуби бош мураббийи Анге Постекоглу ёзда “Манчестер Юнайтед”ни бошқариши мумкин. Sky Sports хабарига кўра, манкунианликлар қониқарсиз натижалар кўрсатаётган Эрик тен Хаг ўрнига австралиялик мутахассисни таклиф қилишдан манфаатдор.

Шу билан бирга, манбанинг хабар беришича, “Манчестер Юнайтед” Европа чемпионатидан сўнг ўз лавозимини тарк этиши мумкин бўлган Англия терма жамоаси бош мураббийи Гарет Саутгейт ва “Челси” собиқ бош мураббийи Грем Поттернинг номзодларини ҳам кўриб чиқмоқда.

“Манчестер Юнайтед” айни дамда АПЛ турнир жадвалида саккизинчи ўринда бормоқда.