Ярим ҳимоячи Ренату Саншеш ёзги трансфер ойнасида клубини ўзгартириши мумкин. Аввалроқ, "Рома" "ПСЖ"дан 26 ёшли футболчини сотиб олиш вариантини фаоллаштирмаслиги ҳақида маълумотлар пайдо бўлганди. Шу билан бирга, парижликлар кейинги мавсумда ҳам португалияликдан фойдаланмоқчи эмас.
Transfer News Live нашрининг O Jogo нашрига таяниб хабар беришича, Саншеш "Бенфика"га қайтишни истайди. Айнан ўзи тарбия топган Лиссабон клубида ярим ҳимоячи бир вақтлар ўзини кўрсатган. 2016 йилда Ренату Европа чемпионатининг энг яхши ёш футболчиси деб топилди. Шундан сўнг футболчи "Бавария"га кўчиб ўтди, аммо кейин унинг фаолиятида пасайиш юз берди.
