"Барселона" ёзда "Сосьедад"дан Мартин Субимендини сотиб олмоқчи.
Бир неча бор хабар қилинганидек, майдон марказини кучайтириш Каталония клубининг ёзги трансфер ойнасидаги асосий вазифаларидан бири ҳисобланади.
Diario Sport хабарига кўра, Субименди "Барселона"нинг асосий мақсадларидан бирига айланган. Бу ягона вариант эмас, балки асосий вариантдир.
Душанба куни "Барса" спорт директори Деку Субимендининг агенти билан учрашди ва у ярим ҳимоячини сотиб олишнинг ягона варианти унинг "Сосьедад" билан шартномасидаги 60 миллион евролик товон пулини фаоллаштириш эканлигини тасдиқлади. Ҳеч қандай чегирмалар бўлмайди. Басклар клуби яхши иқтисодий ҳолатда, шунинг учун шошилинч сотувга эҳтиёж йўқ.
Шуни ҳисобга олсак, бугунги кунда Субименди трансфери "Барселона" учун фақат орзу бўлиб қолмоқда. Бундай йирик сармоядан олдин каталонияликлар бир қанча тўсиқларни енгиб ўтишлари керак бўлади.
Жорий мавсумда 25 ёшли ярим ҳимоячи “Сосьедад” сафида барча турнирлар доирасида 45 та ўйинда майдонга тушиб, 4 та гол урди.
