Ҳозирда Англиянинг "Ливерпуль" клуби шарафини ҳимоя қилаётган Дарвин Нуньес бир пайтла "Барселона"га ўтишга яқин бўлган, дея хабар берди Sport нашри.
Манбага кўра, Дарвин 2020 йилда “Барcелона”га ўтишга яқин эди, ўша пайтдаги спорт директори Рамон Планес уругвайлик ҳужумчи учун курашга киришган эди ва аллақачон “Альмерия” билан 8 миллион евролик трансферга келишувга эришганди. Аммо Куманнинг айрим шубхалари ҳамда ўртага таклиф нархини икки бараварига кўтариб юборган “Бенфика” (24 миллион евро) қўшилиб, ҳаммасини тўхтатиб қўйган.
Аввалроқ матбуотда "Барса" Нуньесни сотиб олишга қизиқиш билдираётгани хабар берилганди. Унинг трансфери 70 миллион евро.
