Антонио Конте («Ювентус») ва Андре Виллаш-Боаш («Тоттенхэм») Мадриднинг «Реал» клубини бошқариши мумкин бўлган мураббийлар рўйхатига киритилди. Бу ҳақда «El Confidencial» нашри хабар тарқатди.
Манбанинг маълум қилишича, агар Моуриньо «Реал»ни тарк этадиган бўлса, «қаймоқранглилар» президенти Флорентино Перес жуда кўп мураббийлар ичидан ўзига номзод қидириш имкониятига эга бўлади.
Олдинроқ жамоани бошқариши мумкин бўлган мураббийлар орасида Карло Анчелотти («ПСЖ») ва Юрген Клопп («Боруссия» Дортмунд) номлари қайд қилинганди. Энди бу рўйхатга Перес Антонио Конте («Ювентус») ва Андре Виллаш-Боашни («Тоттенхэм») ҳам киритди.