"Бавария" ва "Челси"нинг собиқ ярим ҳимоячиси Михаэль Баллак Мюнхен клуби ва "Реал" ўртасидаги Чемпионлар лигаси ярим финал жавоб учрашуви ҳақида фикр билдирди.
Учрашув “қаймоқранглилар”нинг 2:1 ҳисобидаги ғалабаси билан якунланиб, мадридликлар умумий ҳисобда (4:3) Европанинг асосий турнири финалига йўл олди.
"Бу шафқатсиз. Бу бутун афсона, бу "Сантьяго Бернабеу" стадионида ҳукмронлик қиладиган энергия, тарих яратиш ва охирги сонияларгача курашиш ва охир-оқибат муваффақиятга эришиш қобилиятига ишониш.
Ва бугун - яна: ҳар қандай шароитда ва рақибнинг хатоси туфайли улар орқага қайтишлари муҳим эмас. Бу харизмага эга клуб. Мана буни сезиб турибди", - деди Баллак УЕФА расмий сайтига.
Финалда Мадриднинг “Реал” клуби Дортмунднинг “Боруссия” жамоасига қарши майдонга тушади. Учрашув 1 июнь куни бўлиб ўтади.
