"Аталанта" бош мураббийи Жан Пьеро Гасперини "Марсел"га қарши Европа лигаси ярим финал жавоб учрашуви ҳақида гапирди.
Эслатиб ўтамиз, Францияда ўтказилган биринчи ўйин 1:1 ҳисобида дуранг билан якунланган эди. Гасперини бўлажак ўйинни Италия клуби тарихидаги энг муҳим ўйин деб атади ва мухлисларнинг қўллаб-қувватлаши Бергамо жамоасининг муваффақиятга эришишига ёрдам беришига умид билдирди.
"Аталанта" тарихидаги энг муҳим учрашув олдинда. Биз финалга чиқишни истаймиз, аммо концентрацияни максимал даражада ушлаб туришимиз кераклигини тушунамиз", - дея Гасперинининг сўзларини келтиради УEФА расмий сайти.
