Лондоннинг "Арсенал" клуби 2008-2017 йилларда "канонирлар"га тегишли бўлган "Ювентус"нинг 34 ёшли дарвозабони Войцех Шесни билан шартнома имзолаш вариантини кўриб чиқмоқда. Бу ҳақда Evening Standard нашри хабар бермоқда.
Манба берган хабарга кўра, "Арсенал" жамоаси дарвозабони Аарон Рэмсдейлни ёзда жамоани тарк этишига тайёргарлик кўрмоқда. Шу сабабли "канонирлар" Шеснини унга ўринбосар сифатида кўрмоқда. Таъкидланишича, "Ювентус" ҳам жорий мавсум якунида польшалик дарвозабонни сотишни режалаштирмоқда. Шеснининг туринликлар билан амалдаги шартномаси 2025 йилнинг ёзига қадар мўлжалланган.
Эслатиб ўтамиз, "Арсенал"нинг асосий жамоаси таркибида Шесни барча турнирларда 181 та ўйинда қатнашган, шулардан 72 тасида ўз дарвозаси дахлсизлигини сақлаб қолган ва 194 та гол ўтказиб юборган.
