Londonning "Arsenal" klubi 2008-2017 yillarda "kanonirlar"ga tegishli bo‘lgan "Yuventus"ning 34 yoshli darvozaboni Voysex Shesni bilan shartnoma imzolash variantini ko‘rib chiqmoqda. Bu haqda Evening Standard nashri xabar bermoqda.
Manba bergan xabarga ko‘ra, "Arsenal" jamoasi darvozaboni Aaron Remsdeylni yozda jamoani tark etishiga tayyorgarlik ko‘rmoqda. Shu sababli "kanonirlar" Shesnini unga o‘rinbosar sifatida ko‘rmoqda. Ta’kidlanishicha, "Yuventus" ham joriy mavsum yakunida polshalik darvozabonni sotishni rejalashtirmoqda. Shesnining turinliklar bilan amaldagi shartnomasi 2025 yilning yoziga qadar mo‘ljallangan.
Eslatib o‘tamiz, "Arsenal"ning asosiy jamoasi tarkibida Shesni barcha turnirlarda 181 ta o‘yinda qatnashgan, shulardan 72 tasida o‘z darvozasi daxlsizligini saqlab qolgan va 194 ta gol o‘tkazib yuborgan.
