Грэм Поттер "Аякс" бош мураббийи лавозимини эгаллаши даргумон. Англиялик мутахассис ўтган йилнинг баҳорида «Челси»дан кетганидан кейин иш тополмади.

"Аякс" Поттерни жиддий нишонга олганди: амстердамликлар собиқ "Брайтон" мураббийини ўзларининг биринчи танлови деб билишган, аммо у бунга жавоб қайтармаган.

Журналист Мэтт Лоунинг янгиланган маълумотларига кўра, томонлар келишувга эриша олиши даргумон, гарчи бундай сценарий ҳали тўлиқ рад этилмаган бўлса ҳам.

Яқин орада Нидерландия клуби бор эътиборини бошқа номзодларга қаратишга мажбур бўлади.