“Байер” “Рома”га қарши ўйиннинг сўнгги дақиқаларида ғалаба қозониб, яна мағлубиятдан қутулиб қолди.

Хаби шогирдлари Европа лигаси нимчорак финал жавоб ўйинининг 82-дақиқасигача ҳисобда ортда қолаётган эди.

Аввалига римликлар ўз дарвозаларини ишғол қилиб қўйган бўлса, 97-дақиқада Йосип Станишич ҳисобни тенглаштирди.

Шу тариқа, “Байер”нинг мағлубиятсиз серияси 49 та ўйинга етди. "Фармацевтлар" 1963-1965 йиллар оралиғида кетма-кет 48 ўйинда мағлуб бўлмаган аввалги рекордчи - "Бенфика"нинг ютуғидан ўзиб кетишди.

"Байер" биринчи ўйинда "Рома" устидан қозонилган 2:0 ҳисобидаги ғалаба эвазига Европа Лигаси финалига чиқди. Леверкузенликлар кубок учун ҳал қилувчи баҳсда “Аталанта” билан куч синашади.