Мадриднинг “Реал” клуби бош мураббийи Карло Анчелотти ҳужумчи Винисиус Жуниор ҳақида гапирди.
“Илгари мен Винисиусни фақат телевизорда кўрганман ва унинг ажойиб истеъдоди бор деб ўйлардим. Бориб, уни жонли кўрганимда, мен ҳам ҳайратда қолдим. У кундалик меҳнати туфайли ўз фаолиятида жиддий ўсишга эришди, бор эътиборини машғулотлар ва учрашувларга қаратган.
"Олтин тўп"? Бугун мукофот берилмайди. Олдинда Чемпионлар лигаси финали ва Америка кубоги бор, лекин менимча, Винисиус бу совринга жуда яқин. У ғалаба қозониши мумкин. Винисиус дунёдаги энг яхшиларидан бири. Бу ҳозир унинг вақти. У бизга Чемпионлар лигаси финалига чиқиш ва Ла Лигани ютишимизга ёрдам берди. Аммо мен бошқа футболчиларни унутишни хоҳламайман", деди Анчелотти журналистларга.
