Италиянинг “Фиорентина” клуби келаси ёзда жамоани бошқарадиган мураббийни танлашга қарор қилди.
Эслатиб ўтамиз, амалдаги бош мураббий Винченцо Итальяно мавсум якунида "бинафшаранглилар" сафини тарк этиши керак.
Журналист Николо Скиранинг фикрича, собиқ ярим ҳимоячи Алберто Ақвилани "Фиорентина"нинг янги бош мураббийи бўлиши керак.
Италия терма жамоасининг собиқ футболчиси аввалроқ "бинафшаранглилар"нинг турли ёшдаги жамоаларини бошқарган.
2023 йилдан бери 39 ёшли Алберто Италия иккинчи дивизионида 12-ўринни эгаллаб турган "Пиза"да ишлаб келмоқда.
