"Жирона" келаси мавсумда Чемпионлар лигаси ўйинларини "Монтиливи" стадионида ўтказиши мумкин, дея хабар беради клуб расмий сайти.
Клуб УЕФАдан рухсат олди. Ташкилот "Жирона" стадионнинг зарур талабларга жавоб бериши учун амалга оширишни таклиф қилган ислоҳотларни маъқуллади.
Эслатиб ўтамиз, “Жирона” Ла Лиганинг 34-тури доирасидаги “Барселона”ни мағлуб этганидан сўнг (4:2) Испания чемпионатининг кучли тўртлигидан жой олди ва 2024/25 йилги мавсумда Чемпионлар лигасида иштирок этишини кафолатлади.
"Жирона" Ла Лигада "Барселона"дан 1 очко олдинда 2-ўринда бормоқда. Кейинги ўйин 10 май куни "Алавес"га қарши сафарда бўлиб ўтади.
