"Атлетико Мадрид" ярим ҳимоячиси Маркос Льоренте жамоасининг жорий мавсумдаги ўйинига баҳо берди.
“Матрасчилар” Ла Лига якунланишига тўрт тур қолганида тўртинчи ўринда бормоқда. Чемпионлар лигасида Диего Симеоне шогирдлари чорак финалга қадар этиб бориб, Дортмунднинг “Боруссия”сига имкониятни бой беришди.
“Бу мавсумни яхши деб аташ мен учун қийин. Чемпионлар лигасидаги ажойиб имкониятни қўлдан бой берганимиздан хафаман.
Қолаверса, меҳмондаги ўйинларда жуда ёмон ўйнадик, бу ҳам картинани бузади. Агар сиз буларнинг барчасини бир четга суриб, шунчаки натижаларга қарасангиз, демак, ишлар яхши кетмоқда, аммо бу мавсумни ҳали ҳам муваффақиятли ўтди деб бўлмайди", — деди Льоренте.
