"Atletiko Madrid" yarim himoyachisi Markos Lyorente jamoasining joriy mavsumdagi o‘yiniga baho berdi.
“Matraschilar” La Liga yakunlanishiga to‘rt tur qolganida to‘rtinchi o‘rinda bormoqda. Chempionlar ligasida Diyego Simeone shogirdlari chorak finalga qadar etib borib, Dortmundning “Borussiya”siga imkoniyatni boy berishdi.
“Bu mavsumni yaxshi deb atash men uchun qiyin. Chempionlar ligasidagi ajoyib imkoniyatni qo‘ldan boy berganimizdan xafaman.
Qolaversa, mehmondagi o‘yinlarda juda yomon o‘ynadik, bu ham kartinani buzadi. Agar siz bularning barchasini bir chetga surib, shunchaki natijalarga qarasangiz, demak, ishlar yaxshi ketmoqda, ammo bu mavsumni hali ham muvaffaqiyatli o‘tdi deb bo‘lmaydi", — dedi Lyorente.
