«ПСЖ» ва Франция терма жамоаси ҳужумчиси Килиан Мбаппе яқин келажакда «Реал» футболчисига айланади.

Бир кун аввал 25 ёшли ҳужумчи Парижнинг топ-клубидан кетишини расман эълон қилганди. Madrid Universal журналистларининг фикрича, франциялик ҳужумчи "қироллик" клубида тўққизинчи рақамни эгаллайди.

Аввалроқ матбуотда Мбаппе "Лос-Бланкос"да ўнинчи рақамда ўйнаши ҳақида хабарлар тарқалган эди.

Килианнинг Мадрид грандига расмий трансфери жорий мавсум якунида расмийлаштирилиши кутилмоқда.

Томонлар беш йилга мўлжалланган узоқ муддатли меҳнат шартномасини тузадилар.