Виллиан "Манчестер Сити"га қарши бўлиб ўтадиган ўйин ҳақида фикр билдирди.

“Фулхэм” – “Манчестер Сити” учрашуви бугун Англия чемпионатининг 37-тури доирасида бўлиб ўтади ва Тошкент вақти билан соат 16:30да бошланади.

"Бизни қийин ўйин кутмоқда, лекин бирлаша олсак, мўъжиза яратишимиз мумкин. Ўйлашимча, биз "Арсенал"га ҳам, бошқасига ҳам ёрдам бера олмаймиз, биз биринчи навбатда ўзимиз ҳақимизда ўйлаймиз, энг яхши ўйинимизни кўрсатишни истаймиз", - дея бразилиялик вингернинг сўзларини келтиради «Фулхэм» матбуот хизмати.

Виллиан “Фулхэм” сафида 36 та ўйинда қатнашган ва бу ўйинларда у 5 та гол урган ва жамоадошларига 2 та голли узатма берган. Футболчининг клуб билан шартномаси шу йилнинг ёзига қадар амал қилади.