Villian "Manchester Siti"ga qarshi bo‘lib o‘tadigan o‘yin haqida fikr bildirdi.
“Fulxem” – “Manchester Siti” uchrashuvi bugun Angliya chempionatining 37-turi doirasida bo‘lib o‘tadi va Toshkent vaqti bilan soat 16:30da boshlanadi.
"Bizni qiyin o‘yin kutmoqda, lekin birlasha olsak, mo‘’jiza yaratishimiz mumkin. O‘ylashimcha, biz "Arsenal"ga ham, boshqasiga ham yordam bera olmaymiz, biz birinchi navbatda o‘zimiz haqimizda o‘ylaymiz, eng yaxshi o‘yinimizni ko‘rsatishni istaymiz", - deya braziliyalik vingerning so‘zlarini keltiradi «Fulxem» matbuot xizmati.
Villian “Fulxem” safida 36 ta o‘yinda qatnashgan va bu o‘yinlarda u 5 ta gol urgan va jamoadoshlariga 2 ta golli uzatma bergan. Futbolchining klub bilan shartnomasi shu yilning yoziga qadar amal qiladi.
