"Реал" дарвозабони Андрей Лунин "Реал"ни тарк этиши мумкин. Defence Central журналистларининг фикрича, украиналик футболчи УЕФА Чемпионлар Лигаси финал ўйинида майдонга тушмаса, "қироллик" клубини тарк этади.
Манбанинг қайд этишича, “Лос-Бланкос”нинг юлдуз дарвозабони Тибо Куртуа турнирнинг ҳал қилувчи ўйинига тўлиқ тайёр бўлади ва Карло Анчелотти бошчилигидаги мураббийлар штаби бельгиялик футболчини майдонга туширишга кўпроқ мойил.
Нуфузли турнирнинг финали 1 июнь куни “Уэмбли” стадионида бўлиб ўтади. “Реал” ҳал қилувчи баҳсда Дортмунднинг “Боруссия”сига қарши майдонга тушади.
