Италиянинг “Милан” клуби ёзда ўз таркибига ўзгартиришлар киритади, жамоа франциялик ҳужумчи Оливье Жиру билан хайрлашади – бу ҳали расман эълон қилинмаган бўлса-да, Жиру Шимолий Америкага МЛС чемпионатига ўтиши мумкин.
Миш-мишларга кўра, "Милан" унга ўринбосар сифатида Ромелу Лукакуга қизиқиш билдирмоқда - улар бельгиялик футболчини аввалроқ таклиф қилишга уринган. Лукакунинг "Рома" билан амалдаги шартномаси фақат мавсум охиригача амал қилади, шундан сўнг у "Челси"га қайтиши кутилмоқда. "Аристократлар" эса у билан хайрлашишни режалаштирмоқда.
Италиялик мутахассис Николо Скиранинг аниқлик киритишича, лондонликлар футболчини 40 миллион еврога сотишга тайёр.
