Матбуотда ҳужумчи Мэйсон Гринвуднинг келажаги ҳақида маълумотлар пайдо бўлишда давом этмоқда. Англиялик футболчи ҳозирда "Хетафе"да ижара асосида ўйнайди, аммо унга бўлган ҳуқуқлар "Манчестер Юнайтед"га тегишли.
"Манчестер Юнайтед" келаси ёзда Гринвудни сотишни афзал кўрмоқда ва 22 ёшли футболчи учун тахминан 60 миллион евро олишни истамоқда. Бу миқдорни испан клублари тўлай олмайди, аммо Саудия Арабистони клублари учун муаммо бўлмаслиги мумкин. Marca нашри аввалроқ Саудия клубларининг Гринвудга қизиқиши ҳақида ёзганди.
Олдинроқ Гринвудни "Барселона", "Ювентус" ва "Атлетико Мадрид" каби клублар ўз сафига қўшиб олмоқчи эди. Шу билан бирга, "Хетафе" футболчининг ижара муддатини узайтирмоқчи.
