Президент Флорентино Перес бошчилигидаги “Реал Мадрид” раҳбарияти Леверкузеннинг “Байер” клубининг 21 ёшли ҳужумкор ярим ҳимоячиси Флориан Виртцнинг бўлажак трансфери йўлида илк қадамларни ташлади. Бу ҳақда Marca хабар бермоқда.
Манбага кўра, Виртц Мадрид клубининг 2025/2026 йилги мавсумдаги асосий трансфер мақсади ҳисобланади, чунки футболчи кейинги мавсумда "Байер"да қолишга қарор қилган.
Жорий мавсумда Виртц барча турнирларда 46 та ўйинда қатнашиб, 18 та гол ва 19 та голли узатмани амалга оширган. Футболчининг клуб билан амалдаги меҳнат шартномаси 2027 йилнинг ёзига қадар тузилган.
