Эммануэль Пети Рой Кин ва Эрлинг Холанд ўртасидаги можаро ҳақида гапирди.

Аввалроқ Кин АПЛнинг 30-тури доирасидаги “Арсенал” билан ўйиндан (0:0) сўнг Эрлингни Англиянинг 4-дивизион футболчиси билан солиштирганди.

Холанд бунга жавоб берди: "Мен бу одамга аҳамият бермайман". Норвегиялик футболчи 5:1 ҳисобида “бўрилар”га қарши ғалаба қозонилган ўйинда алмаштирилганидан норози бўлди. Шундан сўнг Кин уни “тарбиясиз бола” деб атади.

“Албатта, Холанд ва Кин ўртасида ёмон ришталар бор. Бу Кин ва Эрлингнинг отаси билан боғлиқ.

Менимча, Кин бундан афсусда эмас ва яна шундай қилишини айтди. Бироқ, Рой Эрлингни танқид қилишда давом этаверади.

У доимий равишда Холанд атрофида ёмон энергия ҳосил қилади. У бу тенденцияни қўйиб юбориши керак", - деди "Арсенал"нинг собиқ футболчиси Эммануэль Пети.