Суперлига 7-туридан ўрин олган "Сўғдиёна" – "Навбаҳор" (1:2) учрашувидан сўнг мезбонлар бош мураббийи Иван Бошкович ўз фикрларини билдириб ўтди.

"Бугунги учрашувда мени фақат натижа қаноатлантирмади. Ўйин бўйича биз яхши ҳаракат қилдик, айниқса иккинчи таймда. Биринчи бўлимда ҳам ёмон ўйнамадик, рақиб яхшироқ ҳимояланди. Танаффусда йигитларга барчасини тушунтириб бердим. Иккита тўп ўтказиб юборганимизга қарамай иштиёқимиз сўнмади. Кўплаб вазиятлар яратдик, йигитлар характер кўрсатишди. Баҳс сўнгида битта гол урдик, аммо беллашувда бурилиш ясашга вақт етмади. Кўрсатган ўйинимиз билан мағлубиятга муносиб эмасдик.

"Навбаҳор"га қарши аввалги икки ўйини таққослаш тўғри эмас. Жамоалар, футболчилар умуман бошқа. Олдинги учрашувларда улар нисбатан очиқ футбол кўрсатишган эди. Бугун эса пенальтидан сўнг ҳимояга кўпроқ эътибор қаратишди. Навбаҳорда яхши футболчилар жам бўлган, аммо ўйин бўйича улардан устун эдик. Бироқ ҳар доим ҳам яхши ўйин кўрсатган жамоа ғалаба қозонавермайди. Наманганда ўтадиган баҳсда яхшироқ натижа қайд этишна интиламиз", - деди Бошкович.