"Бавария" спорт директорлари Макс Эберль ва Кристоф Фройнд ёзда жамоани 5-7 нафар янги келганлар билан кучайтирмоқчи. Бу ҳақда Германиянинг Kicker нашри хабар берди.
Эслатиб ўтамиз, раҳбарият ҳали мавсум якунида клубни тарк этадиган Томас Тухелнинг ўрнига янги мураббий топгани йўқ. Бироқ, спорт директорлари аллақачон потенциал янги келадиган мураббийларнинг номларини жиддий муҳокама қилишмоқда.
Манбага кўра, 5-7 нафар янги футболчини қўлга киритиш учун "Бавария" футболчиларини ҳам сотиши керак. Айрим футболчиларнинг маош талаби туфайли улар билан хайрлашиш қийин бўлади. Ушбу туркумга Лерой Сане, Серж Гнабри ва бошқалар киради.
