Мадриднинг “Реал” клуби бош мураббийи Карло Анчелотти марказий ҳимоячи Эдер Милитао Дортмунднинг “Боруссия”сига қарши Чемпионлар лигаси финалида иштирок этишга ҳали тайёр эмаслигини тан олди. Эслатиб ўтамиз, турнирнинг ҳал қилувчи баҳси 1 июнь куни "Уэмбли"да бўлиб ўтади.
"Айни дамда Милитао Чемпионлар лигаси финалида ўйнашга тайёр эмас, аммо умид бор. Оптимал формага кириши учун унга ўйин амалиёти керак", - деди Анчелотти матбуот анжуманида.
Мавсум бошида Милитао тиззасидан жароҳат олди ва бир неча ойни ўтказиб юборди. Ушбу мавсумда Эдер Испания чемпионатининг атиги 7та ўйинида майдонга туша олди.
