“Ювентус” устози Массимилиано Аллегри ҳар қандай ҳолатда ҳам истеъфога чиқарилади.

Туринликлар мавсумни соврин билан якунлаш имкониятига эга: Италия кубоги финали “Аталанта”га қарши 15 май куни бўлиб ўтади.

Sky Sports хабарига кўра, Аллегрининг тақдири аллақачон белгилаб қўйилган - у "Ювентус" финалда ғалаба қозонган тақдирда ҳам истеъфога чиқарилади.

Шу билан бирга, манба таъкидлаганидек, клуб ўз қарори ҳақида мураббийни ҳалигача хабардор қилмаган.

Тьяго Мотта Массимилиано Аллегрининг вориси бўлиши керак. «Болонья»нинг амалдаги устози «кекса синёра» билан дастлабки келишувга эришган.