“Yuventus” ustozi Massimiliano Allegri har qanday holatda ham iste’foga chiqariladi.
Turinliklar mavsumni sovrin bilan yakunlash imkoniyatiga ega: Italiya kubogi finali “Atalanta”ga qarshi 15 may kuni bo‘lib o‘tadi.
Sky Sports xabariga ko‘ra, Allegrining taqdiri allaqachon belgilab qo‘yilgan - u "Yuventus" finalda g‘alaba qozongan taqdirda ham iste’foga chiqariladi.
Shu bilan birga, manba ta’kidlaganidek, klub o‘z qarori haqida murabbiyni haligacha xabardor qilmagan.
Tyago Motta Massimiliano Allegrining vorisi bo‘lishi kerak. «Bolonya»ning amaldagi ustozi «keksa sinyora» bilan dastlabki kelishuvga erishgan.
