"Аталанта" бош мураббийи Жан Пьеро Гасперини "Наполи"нинг унга қизиқиш билдираётгани ҳақидаги маълумотга изоҳ берди.
66 ёшли мураббий Антонио Конте ва Стефано Пиоли билан бирга "Наполи"нинг янги бошқаруви лавозимига номзодлардан бири саналади.
"Де Лаурентис ("Наполи" президенти) 2011 йилда менга мурожаат қилганди, аммо кейин мен "Интер"ни бошқаришга киришдим.
Шунга қарамай, келажакда у менга доимо катта ҳурмат билан муносабатда бўлди. Лекин ҳозир бор эътиборимни жорий мавсум А Серия, Италия кубоги ва Европа лигасидаги сўнгги ўйинларга қаратганман.
Биз барча ўйинларда ғалаба қозонишни истаймиз", - дея Гасперинининг сўзларини келтиради журналист Николо Скира.
