"Атлетико Мадрид" ҳужумчиси Антуан Гризманн ушбу мавсумдаги фаолияти учун мукофот олди.

33 ёшли форвард UNFP (Профессионал футболчилар миллий иттифоқи) томонидан чет эл чемпионатларида тўп тепаётган энг яхши француз футболчиси сифатида тан олинган. Овоз беришда 1-лига ва 2-лига клублари футболчилари иштирок этишди.

Антуан Гризманн жорий мавсумда “Атлетико” сафида 45 та ўйинда майдонга тушиб, 21 та гол урди ва 8 та голли узатмани амалга оширди. Айни пайтда "матрасчилар" Ла Лига турнир жадвалида тўртинчи ўринни эгаллаб туришибди. Чемпионлар лигасида жамоа чорак финалгача етиб бориб, Дортмунднинг “Боруссия”сига имкониятни бой берди.