Каталониянинг "Барселона" клуби ёзда ҳужумчи Витор Роке билан хайрлашишга тайёр. La Gazzetta dello Sport хабарига кўра, "кўк-анорранглилар" раҳбарияти "Интер"га бразилиялик футболчини кейинги мавсумда ижарага олишни таклиф қилган.
Қайд этилишича, “Женоа” футболчиси Альберт Гудмундссон айни дамда “нерадзуррилар”нинг ҳужум учун энг яхши вариантидир, бироқ исландияликнинг трансфери муваффақиятсизликка учраса, клуб асосий эътиборини Роке билан шартнома тузишга қаратади.
Манбага кўра, 19 ёшли Виторнинг бош мураббийдан ҳафсаласи пир бўлган ва ёзда "Барселона"ни тарк этмоқчи.
