Аргентиналик ҳужумчи Пауло Дибала ёзги трансфер ойнасида “Рома”ни тарк этиши мумкин. 30 ёшли футболчида фаолиятини Испания чемпионатида давом эттириш имконияти бор.
Аргентиналик футболчига Мадриднинг “Атлетико” клуби қизиқиш билдирмоқда. "Матрасчилар" клуби ёзги трансфер ойнасида Дибалани сотиб олмоқчи ва унинг товон пули, яъни 12 миллион еврони тўлашга тайёр.
Ушбу банд 1 июлдан кучга киради. Жорий мавсумда Пауло Италия чемпионатининг 26 учрашувида иштирок этди. Ҳужумчи 13 та гол урди ва 9 та голли узатмани амалга оширди.
