"Реал Мадрид" ярим ҳимоячиси Лука Модрич қироллик клубида қолиш учун қурбонлик қилишга тайёр. Журналист Хосе Луис Санчеснинг хабарига кўра, хорватиялик футболчи маошини камайтиришга рози.
Манбага кўра, Модрич "Реал Мадрид" раҳбариятидан таклиф бўлишини охиригача кутиш ниятида.
Ярим ҳимоячи 11 йилдан бери ўйнаб келаётган "қироллик клуби" таркибида фаолиятини якунлашни орзу қилмоқда. Аввалроқ 38 ёшли Модрич келгусида жорий мавсумга қараганда кўпроқ ўйин амалиётига эга бўлмоқчи эканлиги ҳақида хабар берилганди.
Жорий мавсумда Лука Испания чемпионатида 2 та гол ва 6 та голли узатмани амалга оширди.
