Нуфузли инсайдер Фабрицио Романо нима учун Лионель Месси ўтган йили МЛСни танлаганини айтди.
“Менимча, масала молия ҳақида эмас эди. Менимча, Месси оилавий сабабларга кўра, шунингдек, Дэвид Бекхэм билан яхши муносабатда бўлгани учун ҳам шундай танлов қилган.
Қолаверса, у дўстлари - Бускетс ва Альба ёнида жамоа қуриш имкониятига эга бўлди. "Интер Майами"да у хоҳлаган нарсасини қуриш имкониятига эга.
Эҳтимол, Саудия Арабистонида ҳамма нарса бошқача бўлар эди. Сабаблари бошқача, лекин у "Интер Майами"га кўчиб ўтишни анча олдин танлаганди", деди Романо.
