Мадриднинг “Реал” клуби бош мураббийи Карло Анчелотти ёзда шартномалари тугайдиган “Лос-Бланкос” ярим ҳимоячилари Тони Кроос ва Лука Модричнинг келажаги ҳақида гапирди.
“Клуб Чемпионлар лигаси финалидан кейин Кроос ва Модрич билан гаплашади. Мен уларнинг қолишларини хоҳлайман. Менимча, Кроос “Олтин тўп”га лойиқ, аммо бу содир бўлади деб ўйламайман. Балки у Чемпионлар лигаси ва Евро-2024да ғолиб чиқса, имконият пайдо бўлар" – деди Анчелотти матбуот анжуманида.
Жорий мавсумда барча турнирларда 34 ёшли Кроос 46 ўйинда майдонга тушиб, битта гол ва 9 голга ассистентлик қилган. 38 ёшли Модрич 43 учрашувда 2 та гол ва 8 та голли узатмага муаллифлик қилган.
