"Челси" бош мураббийи Маурисио Почеттино Англия Премьер-лигасида дебют мавсумида 14 та гол урган ҳужумчи Николас Жексоннинг имкониятлари ҳақида гапирди.
“Жексон ажойиб форвард бўлиш имкониятига эга. Ҳаммаси вақт ва сабр-тоқат масаласидир. У ақлбовар қилмайдиган даражада қаттиқ ишлайди ва ўзи ҳақидаги фикрни ўзгартиради. Одамлар ниҳоят Николасга бошқача қарашни бошлаганидан жуда хурсандман", деди Почеттино матбуот анжуманида.
Жексон ўтган ёзда "Вильярреал"дан 38 миллион евро эвазига "Челси"га ўтган эди.
