Бугун, 15 май куни Англия чемпионатининг 34-тури доирасида “Челси” сафарда “Брайтон”га қарши баҳс олиб борди - 1:2.
“Аристократлар” сафида Коул Палмер гол урди. Англиялик футболчи учун бу гол миллий чемпионатнинг жорий мавсумидаги 22-гол бўлди.
Шундай қилиб, бу кўрсаткич бўйича у 2009/10 йилги мавсумда АПЛда 22 бор гол урган Фрэнк Лэмпардга тенглашиб олди.
Палмер, шунингдек, жорий мавсумда тўққизинчи марта чемпионат ўйинида ҳисобни очувчи гол муаллифи бўлди. Бу борада у “Челси”нинг рекордини такрорлади. Бунгача Жанфранко Дзола, Дидье Дрогба ва Эден Азар шундай натижага эришган.
