Микель Артета Изабелла қироллик ордени билан тақдирланди.
Ушбу мукофот Испания Қиролининг фармони билан мамлакат олдидаги улкан хизматлари, шунингдек, халқаро муносабатлар ва бошқа давлатлар билан ҳамкорликни ривожлантириш учун берилади.
“Мен Изабелла қироллик ордени билан тақдирланганимдан фахрланаман. Фурсатдан фойдаланиб, Испания Қиролига ва ташқи ишлар вазирига ўз номимдан ва оилам номидан самимий миннатдорлик изҳор этмоқчиман.
Бугун Лондондаги Испания элчихонасида, ҳаётим давомида мени илҳомлантирган кўплаб инсонлар қаторида мукофотни қабул қилиш ҳақиқатан ҳам ажойиб лаҳзадир", - деди “Арсенал” бош мураббийи.
Бу мукофот нафақат Испания фуқароларига берилади. Масалан, Уругвай терма жамоасининг собиқ футболчиси Диего Форлан ҳам орден соҳиби ҳисобланади.
