"ПСЖ"ни ёзда бир қанча футболчилари тарк этиши мумкин.
L’Equipe хабарига кўра, Карлос Солер, Милан Шкриньяр, Мануэль Угарте ва Норди Мукиэленинг келажаги сўроқ остида.
Испаниялик ярим ҳимоячига "Астон Вилла" қизиқиш билдирмоқда. Томонлар бир неча ой давомида алоқада бўлиб, бу жараёнда олға силжиш бор.
Мукиэленинг жамоани албатта тарк этиши айтилади, лекин уни фақат амбицияли клублар қизиқтиради.
Қишда "Челси" ва "Бавария" ҳимоячини трансфер қилиш борасида "ПСЖ"га мурожаат қилишди.
Угартега келсак, парижликлар ярим ҳимоячини "Милан" ва "Ювентус"га таклиф қилишган. У билан хайрлашиш истисно қилинмайди, аммо клуб бунга шошилинч эҳтиёж сезмаяпти.
