"Челси" ярим ҳимоячиси Коул Палмер Англия Премьер-лигасининг 34-туридан ўрин олган "Брайтон"га қарши ўйиндаги ғалаба ҳақида фикр билдирди, шунингдек, еврокубоклар учун кураш ҳақида гапирди.
"Бизга уч очко керак эди. Ўйин охирида ва бутун ўйин давомида қийин бўлди, аммо уч очко олиш ва олтинчи ўринни эгаллаш биз учун жуда муҳим. Умид қиламанки, биз буни уддалай оламиз.
"Челси" - катта клуб, ҳамма олтинчи ўриндан юқори ўринни эгаллашни хоҳлайди, аммо биз мавсум бошида қаерда бўлганимизга қарашимиз керак. Биз 13 ва 12 ўринларда эдик. Ўтган мавсум ҳам худди шундай эди, шунинг учун Европага қайтиш тўғри йўналишдаги қадамдир. Мураббийга катта ҳурмат, чунки барча футболчилар уни яхши кўришади, биз у учун курашишимиз керак. Бу яхши мавсум бўлди ва умид қиламанки, мавсум охирида биз Европа футболига йўл оламиз", - деди Палмер "Челси" расмий сайтига.
