“Наполи” ва Грузия терма жамоаси вингери Хвича Кварацхелия манфаатларини ҳимоя қилувчи футбол агенти Мамука Джугели мижозининг келажаги ҳақида гапирди.
"Биз қарор қабул қилишга шошилмаяпмиз, чунки "Наполи" Хвичанинг иккинчи уйи. Биз "Наполи" ва унинг президентининг Хвичага бўлган ғамхўрлиги ва ҳурматини қадрлаймиз.
Кварацхелиянинг келажаги ҳақидаги қарор фақат футболчи ва президентнинг хоҳиш-иродаси инобатга олинган ҳолда қабул қилинади. Кўрамиз, клубни ҳам, футболчини ҳам қониқтирадиган таклиф тушса, ўйлаб кўрамиз" - дея Джугелининг сўзларини келтиради Calciomercato.
