Вильям Галлас "Челси"нинг трансфер сиёсати ҳақида гапирди.

Кай Хаверц ўтган ёзда 60+5 миллион фунт эвазига "Арсенал"га ўтган эди. Матео Ковачич 30 миллион эвазига "Манчестер Сити" футболчисига айланди.

"Менимча, Кай Хаверц "Арсенал"да яхши мавсум ўтказди, аммо у ҳали ўз нархини оқлаш учун етарлича гол ура олмади. У ўтган ой Шимолий Лондон дербисида ажойиб ўйин ўтказди, аммо статистикага назар ташласангиз, у каби футболчи яхшироқ бўлиши ва кўпроқ ишлаши керак.

Менимча, "Челси" уни қўйиб юборишда хато қилгани йўқ. Матео Ковачичга келсак, Мойсес Кайседо ва Энцо Фернандеснинг келиши уни кетишга ундаган бўлиши керак.

Аммо бундай ёш ярим ҳимоячиларга тажриба керак ва Ковачич буни таъминлай оларди, шунинг учун унинг кетиши хато бўлгандир. Балки у ёш футболчиларга ёрдам бериш учун яна бир мавсум қолиши керак эди. Бу унинг учун тўғри ҳаракат бўлди, лекин "Челси" учун эмас", - дейди "Челси"нинг собиқ ҳимоячиси.