Vilyam Gallas "Chelsi"ning transfer siyosati haqida gapirdi.

Kay Xavers o‘tgan yozda 60+5 million funt evaziga "Arsenal"ga o‘tgan edi. Mateo Kovachich 30 million evaziga "Manchester Siti" futbolchisiga aylandi.

"Menimcha, Kay Xavers "Arsenal"da yaxshi mavsum o‘tkazdi, ammo u hali o‘z narxini oqlash uchun yetarlicha gol ura olmadi. U o‘tgan oy Shimoliy London derbisida ajoyib o‘yin o‘tkazdi, ammo statistikaga nazar tashlasangiz, u kabi futbolchi yaxshiroq bo‘lishi va ko‘proq ishlashi kerak.

Menimcha, "Chelsi" uni qo‘yib yuborishda xato qilgani yo‘q. Mateo Kovachichga kelsak, Moyses Kaysedo va Enso Fernandesning kelishi uni ketishga undagan bo‘lishi kerak.

Ammo bunday yosh yarim himoyachilarga tajriba kerak va Kovachich buni ta’minlay olardi, shuning uchun uning ketishi xato bo‘lgandir. Balki u yosh futbolchilarga yordam berish uchun yana bir mavsum qolishi kerak edi. Bu uning uchun to‘g‘ri harakat bo‘ldi, lekin "Chelsi" uchun emas", - deydi "Chelsi"ning sobiq himoyachisi.