Бразилия терма жамоасининг собиқ футболчиси Ривалдо Англияда танқид қилинаётган ватандоши ва “Манчестер Юнайтед”нинг таянч ярим ҳимоячиси Каземирога маслаҳат берди.
“У Саудия Арабистонига кетиши мумкинлиги ҳақида миш-мишларни эшитдим. Аммо, агар у жаҳон чемпионатида ўйнашни истаса, Испанияга қайтиши ёки Италияга кўчиб ўтиши ва энг юқори савия намойиш этиши керак, чунки у ҳали бунинг учун зарур кўникмаларга эга", - дея Ривалдо сўзларини келтирмоқда Betfair.
"Манчестер Юнайтед"нинг икки футболчиси Саудия Арабистонига кўчиб ўтиши мумкинлиги аввалроқ хабар қилинганди - ҳимоячи Рафаэль Варан ва ярим ҳимоячи Каземиро.
