Мариус Вольф ва Матеу Морей янги мавсумда Дортмунднинг "Боруссия"сида ўйнамайди - "асаларилар" улар билан муддати тугайдиган шартномаларини янгиламайди. Бу ҳақда Sky Germany нашрига клуб спорт директори Себастьян Кель маълум қилди. Клуб футболчиларга энди улар режаларга киритилмаслигини маълум қилган.
Вольф 2018 йилнинг ёзидан буён "Боруссия"да тўп суради ва клубдаги фаолияти давомида икки марта ижарага берилган. Жорий мавсумда Мариус барча расмий турнирларда 30 та учрашувда майдонга тушиб, 2 та голли узатмани амалга оширди.
Морей ўнг қанот ҳимоячиси бўлиб, у клубга 2019 йилда "Барселона" академиясидан келиб қўшилган. У бу мавсумда жамоаси сафида Бундеслигада бор йўғи учта ўйинда майдонга тушди.
