Marius Volf va Mateu Morey yangi mavsumda Dortmundning "Borussiya"sida o‘ynamaydi - "asalarilar" ular bilan muddati tugaydigan shartnomalarini yangilamaydi. Bu haqda Sky Germany nashriga klub sport direktori Sebastyan Kel ma’lum qildi. Klub futbolchilarga endi ular rejalarga kiritilmasligini ma’lum qilgan.
Volf 2018 yilning yozidan buyon "Borussiya"da to‘p suradi va klubdagi faoliyati davomida ikki marta ijaraga berilgan. Joriy mavsumda Marius barcha rasmiy turnirlarda 30 ta uchrashuvda maydonga tushib, 2 ta golli uzatmani amalga oshirdi.
Morey o‘ng qanot himoyachisi bo‘lib, u klubga 2019 yilda "Barselona" akademiyasidan kelib qo‘shilgan. U bu mavsumda jamoasi safida Bundesligada bor yo‘g‘i uchta o‘yinda maydonga tushdi.
